Yıl Hicri 1207 / Miladi 1793
Padişah’ın izniyle Alaçam Kazası Mülküc köyündeki mescid, Cuma ve Bayram namazlarının kılınabilmesi için Camiye çevrilmiştir.
Köydeki bu mescidi Molla Hüseyin yaptırmıştır. Molla Hüseyin’e İmam Hatiplik beratı verilmiştir. Bu cami Mülküc köyündeki yapılan ilk camiidir.
Belge:1 / Not: Belge Nihat YALDIZ tarafından latin harflerine çevrilmiştir.
İzni Hümayunum olmuştur Padişahım
Arz bende-i bi-mikdar oldur ki şevketlü kerametlü mehabetlü kudretlü veliyy-i niğmetim efendim. Alaçam kazası muzafatı kuralarından Mülküc nam karyede vaki salavat Cuma ve ıydin olunur Cami-i şerife olmadığından ashab-ı hayrattan Molla Hüseyin nam kimesne müceddeden mescidi bina ve minber-i va’z ve ikameti salavat-ı cum’a ve ıydine izni hümayunları erzanı ve ber vech-i hasbi hitabını dahi erbab-ı istihfafdan Hüseyin Halifeye sıdk buyurulmak ricasına Alaçam Naibi arz etmekle bal-ası İzni hümayunum olmuştur deyu Hattı Hümayun inayetmakrunlarıyla tezyin buyurulmak babında emr-ü ferman şevketlü kerametlü mehabetlü kudretlü veliyy-i niğmetim efendim Padişahımındır.
Kaynak:Başbakanlık Osmanlı Arşivi
Belge:1 dosya no : HAT 1453 gömlek no: 42-1
Mülküc Köyü Camisine İmam Hatip atanması ve Beratının verilmesi
Belge:2 Sahh
Derkenarı mucebince minber vaaz’ olunmak üzere emri verilüb hitabeti tevcih olunup beratı verilmek buyruldu.
Bu makule eda-yı salat-ı cum’a ve ‘ideyn olunur karyede cami’-i şerif olmadığı ecilden ashab-ı hayrat mescid-i şerif bina ve müceddeden minber vaaz’ ve ikamet-i salat-ı cum’a ve ‘ideyne izn-i Hümayun-ı cihan-darı erzanı ve ber-vech-i hasbi hitabeti dahi bazı kesana tevcih oluna geldiği mesbuktur.Ferman devletlü Sultanım Hazretlerinindir.
Der devlet-i mekine arz-ı dai kimesne oldur ki Alaçam Kazası müzafatı kuralarından Mülküc nam karyede vaki’ Yahya asiyabı (Yahya su değirmeni) civarı nam mevzu-ı karye-i mezburdan Bayram oğlu Molla Hüseyin ve camii kethüda namın kimesneler ber- vechi hasbi salat-ı cum’a eda etmek içün cami’ ihdas idüb cami’-i mezkurun hitabetini ber- vechi hasbi olarak erbab-ı istihkaktan işbu bais arz-ı ubudiyyet bais olan Molla Hüseyin nam kimesne hizmet-i merkumeye layık ve mahalli ve müstehak olmağın mezburun yedine ber- vechi hasbi tevcih olunub yedine berat-ı şerif-i ali şan sıdk ve ihsan buyurulmak ricasına ol ki, vâkiü’l haldir bi’l iltimâs paye-i serir a’laya arz ve i’lam olundu bani emr-ü ferman hazreti men lehü’l emrindir. Tahriren fi evasıt-ı şehr-i şevval li-sene seb’a ve mieteyn ve elf (1207)
El- abdu’d da-i ed Devleti’l Aliyyeti’l Osmaniye Mutabıktır.
El- Hac Ali el müvella hilafe el Kaza-i Alaçam Mehmet Es-seyyid ufiye anhu Şemseddin
Belge:2 dosya no HAT 1453 gömlek no: 42-2
Kaynak: http://alacamtarihi.com/mulkuc-koyunde-padisahin-izniyle-acilan-cami.html
Resimlerin devamı için tıklayınız
Sezgin PİLİÇ
|
|
|
| Merkez Bankası Döviz Kuru | |||
| ALIŞ | SATIŞ | ||
| USD | 32,4527 | 32,5111 | |
| EURO | 34,8255 | 34,8882 | |
